بالنسبة لتجربتي أول مرة عرفتا فيها بموضوع المعارض من خلال الفيس كنتا بتكلم عن اسبوع المهندس المشيت ليه في الجنوبي وإتسألتا شفتي معرض اكس ؟
انا بي لايك وات از اكس ؟ معرض الأنمي !! وحكوا لي عنه وتراتراترا عرفتا انو الحجات دي اكزيست xDDD
المهم بعدها بقيت مدمنة معارض وكونتا صداقات مع سودانيز اوتاكوز كتار وبقيت ما بخلي معرض طاير إلا وأنا ماشة ليه , فرأي العام ممكن نلخصه من كلامي الفات
المعارض حاجة جميلة شديد وممتعة وفرصة تتعرف على ناس عندهم نفس إهتمامتك
و من ناحية هل هي بتنمي ثقافة قبول الأنمي ؟ أكيد ليها دور عالأقل بتوري الناس انو في حاجة إسمها أنمي عبارة عن مسلسلات سبيستون لكن باللغة اليابانية وبلابلابلا لكن دورها ثانوي لأنها بتنمي الثقافة لكن القبول لأ .
الإيجابيات نفس كلامي الفات نتعرف هوايات نستمتع بلابلابلا =)
نجي للسلبيات : طيب بعد إدماني للمعارض مع الوقت بديت ألاحظ ان المعارض دي كلها نسخ ولصق من بعض مافي شي جديد
شاشات بتعرض امفيات طول زمن المعرض في ركن نقل انمي و اوريغامي في ركن رسم وركن ميداليات وكبابي والكبابي مافي كل المعارض طبعاً وفي ركن أكل برضو مافي كل المعارض وفي ركن تصوير بملابس يابانية الي هي بعضها بتكون ملابس متداولة استخدموها ناس جامعة فلان وقبلها جامعة علان في معرضهم وهي نفسها استعملوها في اليوم الياباني
المهم في حلقة تكرار ممل شديد في الموضوع , بتحس حافزك لحضور المعارض ماااااااااااااااات
مرات بتحضر عشان تلاقي اصحابك بس ولا عشان تنقل وتبقى مارق !
بالواضح كدا مافي شي جديد مافي حاجة مبهرة ومثيرة مافي تشويق مافي أكشن :")
وهل ممكن تبقى أحسن ؟ أكيد ممكن طالما الدماغ شغالة وبتنتج أفكار !
مثلاً بعض المعارض زي معرض الإسلامية وحق السودان العالمية معني ما حضرتهم لكن شفتا الصور , وبعض الايفنتات زي الكوميك كون كان في حجات جديدة وهي فكرة الكوسبلاي دي
ومع انها ما زي الكوزبلايات البنشوف صورها يعني حجات متواضعة لكن كانت رهيبة وجديدة والناس إجتهدت ورجع روح الحماس تاني بسبب شوية الإختلاف الإنضاف دا !
فطالما في أفكار وممكن تتنفذ , المعارض ممكن تتحسن بس نخلي تقليد بعض ._.
هل حصل قارنتوا بين معارضنا والمعارض الخارج السودان ؟
أكيييييييييييييييييييييد بتذكر تجهيزات الناس لمعارض فانتوم النسائية و يوم اللاعبين في تويتر و البواريك والعدسات والملابس و المكياج و الإيجي كون حق مصر والكرافتينغ الرهيب البعملوه و الكوزبلايات المن صنعهم والكوميك كون العالمي و الايفنتات حقت الأنمي الفي تونس ولا المغرب ما عارفة , المهم وبتذكر معارضنا كاواي سو لكن هم عندهم إمكانيات نقدية ومحلات بتوفر لوازمهم وفي ناس عندهم أفكار بعرفوا يخلوها حقيقة وواقع ملموس
فبتمنى مستقبلاً بعد تخلص الجائحة ونرجع لحياتنا الطبيعية وللإيفنتات و المعارض ان الناس تجتهد أكتر وتحاول تعمل حاجة جديدة تبهر الأوتاكو السوداني المحروم وتطلعه من لوب التشابه و التكرار دا
وأسفة على كلامي الكتير ^^ |